தொடர் எறிகணை மற்றும் பீரங்கித் தாக்குதல்களை மேற்கொண்டு வந்த படையினர், இன்று காலை முதல் தமது முழுமையான படைக்கல சக்தியைப் பயன்படுத்தி பாதுகாப்பு வலயம் நோக்கி கடுமையான தாக்குதலை ஆரம்பித்துள்ளனர்.
மக்கள் பாதுகாப்பு வலயம் ஒரே புகை மண்டலமாகக் காட்சியளிக்கிறது
இதனால் ஒரு இலட்சத்து 65 ஆயிரத்துக்கு மேற்பட்ட மக்கள் பாரிய மனித அழிவை எதிர்நோக்கியுள்ளனர்.
வன்னியில் கடந்த 24 மணி நேரத்திற்குள் தமிழ் மக்கள் ஆயிரத்து 700 பேர் வரையில் படுகொலை செய்யப்பட்டுள்ளதுடன், மூவாயிரத்துக்கு மேற்பட்டவர்கள் படுகாயமடைந்துள்ளனர்.
சிறீலங்கா படையினர் தொடர்ச்சியான இனவழிப்புத் தாக்குதலை மேற்கொண்டுவரும் நிலையில், நேற்று மாலை முதல் இன்று மாலைவரை இவ்வளவு தொகையான மக்கள் படுகொலை செய்யப்பட்டுள்ளனர்.
கொல்லப்பட்ட மக்களின் உடலங்கள் வீதிகள், மற்றும் அவர்களின் வாழ்விடங்களில் சிதறிக்கிடக்கின்றன.
முள்ளிவாய்க்காலில் இயங்கிய ஒரேயொரு மருத்துமனையும் படையினரது தாக்குதலில் இயங்க முடியாது செயலிழந்துள்ள நிலையில், படுகாயமடைந்த மக்கள் குருதி இழப்பினால் மரண அவலத்திற்குள் தள்ளப்பட்டுள்ளனர்.
சிறிலங்கா இராணுவம் இரசாயணத் தாக்குதலுக்கு தயாராவதாக தெரியவருகின்றது. கடந்த சில மாதாங்களாக மேற்கொண்டு வரும் இராணுவ நடவடிக்கையில் பெரும் வெற்றிகளைப் பெற்றுக்கொள்ள முடியாது திணறும் சிறிலங்கா இராணுவம் பொது மக்கள் மீது மீண்டும் ஒரு இரசாயணத் தாக்குதலை இன்று அல்லது நாளை மேற்கொள்ளக் கூடும் என எதிர்பார்க்கப்படுகின்றது.காணொளி: சிறிலங்கா உடனடியாக யுத்தத்தை நிறுத்தவேண்டும்: ஓபாமா அழைப்பு
